ماحد ينكر تطور الفاير فوكس المذهل ويكفي انه مفتوح المصدر
لكن ياخوان مدري كلكم تستخدمونه او تحكمون من بعد انا استخدمه بكثره بسبب ان جهازي فيه مشكلة مع ie ماتفتح اي بوب اب
فاذا اردت بوب اب ادخل بالفايرفوكس وصدقوني انه يطفشني في كل المنتديات
ارجوكم ارجوكم جربوه في اي شي فيه textarea مثل المنتديات والمجلات ونماذج المراسله وكل شي اتحداكم تكتب نص طويل بعد تقعد تصحح
اذا حددت الحرف الاول في كلمة مثلاً ومسحته تلقاه مسح الثاني واذا تبي تمسح الثاني تحدد الثالث وقسم بالله يدوخني واحياناً ارجع للمفكرة اصحح ثم انسخ والصق عصر حجري عايش انا

يعني فيه شوية تخلف في الامور الحاسمة مثل الجافا سكربت والنماذج

كذا يومين لاتستخدمون غيره وشاركوا به في كل المنتديات الي تمرون عليها كل يوم وشوفوا كيف الصرقعه

المتصفح اكيد بينجح لكن لسه فيه حثابير تبي شغل ومو معقولة حنا 2005 ونقول للناس لاتحطوا في مواقعكم فرامات او جافا سكربت او dhtml ولا تستخدمون textarea الناس تتقدم ولا ترجع لوراء
انا والله احبه فقط ويكفي انه مفتوح مصدر لكن مشكلتهم يقولون ارجعوا الى معايير منظمة w3 وهذه منطمة غير ربحية وتعرفون الروتين كيف قاتل في امور التقانه
الناس تركض والتصاميم وبرامج التصاميم طايره في الجو وكل يوم تقنية جديده و w3 تقول وقف محلك سر !!!
عموماً كثرة المتصفحات من صالحنا الحمدلله كلها مجانية والجهاز ممكن يتحمل اكثر من متصفح يعني مافيه خوف
لكن فعلاً لاغنى عن IE الا اذا طلع منافس متحرر من W3 ومعايرهم وصار يسابق IE في اعتماد الامور الجديده
واعتقد IE 7 راح يكون واعد جداً
http://news.moffed.com/wmview.php?ArtID=131