كيف اخلي المركز يختم الصور للزائر أما العضو يختار

[aqwa]

يالله ...
نعتبر ان مطوري هذاك الموقع غسلو شراعكم
أو انكم محتاجين الى دعم مالي ..اوكي حط سعرك وشوف اذا ما دفعنا لك

بكل أمانه سكربت ممتاز لكن من يوم جربت الدعم مالكم !
بديت أفكر أستغنى عن خدماتكم

[مؤيد]

من اللي غسل شراعنا
لا تكون من حقون ترايدنت اللي حاقدين ع كليجا ؟
وثاني شي يابن الحلال اي دعم مالي وخرابيط مالها داعي
انت ما طلبت مشكله علشان نحلها
بالعكس طلبت مثل ما يقولون برمجه !
يعني المفروض تتطلبها من اي مبرمج خارجي ويسويها لك بـ 50 ريال
اما لو طلبت مشكله من عيوني اخدمك
لكن طلبت طريقه ما تدعم المركز من خلال لوحه التحكم لازم تعديل ع الكود
والكود موجود هنا ووعدتك اني اجيبه لك
لكن ما فضيت !
شغل + دراسه + رمضان
عموما انتظر الدحمي يكتب لك الكود من جديد
بالتوفيق


* ولك الحريه باستخدام خدماتنا او التخلي عنها في اي وقت ترغبه

[aqwa]

قصدت الموقع اللي مسويين هذي الخاصية ..ف اول مشاركه ..
حقيقة حاليا على تريدنت الى احصل هذي الاضافه وبنتقل ل كليجا
مثل ما قلت معجب بعملكم ..
اذا تخلوها على طول من ضمن خيارات السكربت صراحه بتكون ممتازه جدا
خصوصا للمنتديات اللي ترفع صور بشكل ضخم ..تعطي كل عضو حريته

اهـا ... يعني ما انها من برمجتكم .. الحين فهمت .. عموما السموحه (الشعب مطلعين روحي ع الخاصيه)
وبالانتظار

[aqwa]

نرفع الغبار ..

كح كح

[aqwa]

كيف شباب شي جديد؟

[مؤيد]

الاضافه جاهزه , فقط انتظر طرحها مع النسخه الجديده
بالتوفيق

[Bader_vip]

بعد اذن اخوي صاحب الموضوع
و النسخة الجديدة متى تصدر أخوي مؤيد

اهم شي يكون مافي تغيير في الاستايل لاني جالس اعدل على الاستايل الحالي للنسخة 1.0.1
و اخاف مايركب الاستايل عليها و اتعب من جديد (:

[مؤيد]

بعد اذن اخوي صاحب الموضوع
و النسخة الجديدة متى تصدر أخوي مؤيد

اهم شي يكون مافي تغيير في الاستايل لاني جالس اعدل على الاستايل الحالي للنسخة 1.0.1
و اخاف مايركب الاستايل عليها و اتعب من جديد (:

خذ راحتك بالتعديل ولو كان فيه تعديل انا ارقي لك الاستايل
بخصوص النسخه قريبا

[Bader_vip]

لبى قلبك و الله اهم شي ماتاخذ أكثر من شهرين >>> متحمس (:

[aqwa]

الاضافه جاهزه , فقط انتظر طرحها مع النسخه الجديده
بالتوفيق

ممتاز جدا والله يعطيكم العافيه
صراحة اليوم داش عشان احمل احدث نسخة للسكربت ارقي اللي موجوده معي

وهذا اجمل خبر سمعته ..لكن عسى ماتطول !
لان كنت بتعاقد مع مبرمج يضيفها لي ..الحين بنتظركم

الف شكر لكم