There is no website configured

السلام عليكم

كيف الحال أخواني

كل عام وانتو بخير

شوه رمضان وياكم ...؟ ان شاءالله تمام ..

عندي مشكله في الموقع

لما أفتحه يطلعلي هذا الكلام

___
There is no website configured at this address.

You are seeing this page because there is nothing configured for the site you have requested. If you think you are seeing this page in error, please contact the site administrator or datacenter responsible for this site.

About cPanel:

cPanel is a leading provider of software for the webhosting industry. If you would like to learn more about cPanel please visit our website at http://www.cpanel.net/. Please be advised that cPanel is not a webhosting company itself, and as such is not responsible for content found elsewhere on this site.
___

شوه المشكله ..؟

وبعد لما ادخل على موقع الاستضافه يطلعلي نفس الكلام ..

اتمنى اعرف السبب وشكراً

تحياتي لكم

الله يستر

هذي الرساله تظهر لما يكون الدي ان اس يوجهك الى سيرفر لكن الحساب محذوف

يعني كانه الموقع انحذف من السيرفرات يعني ماعاد هو موجود !!!

جرب توجه اي دومين عندك الى دي ان اس مستضيف ماله علاقة معك يعني ماهو مستضيف موقعك الدومين راح يوجهك للسيرفر لكن مافيه حساب للدومين لذلك تطلع هذه الرساله والي معناها مافيه اعدادات لهذا الدومين في السيرفر مهو مسجل عندنا ولا له يوزر ولا لوحة تحكم ولا شي !

مثل لما احذف حساب من WHM لكن صاحب الدومين ماغير الدي ان اس !!

عموماً المخيف انه حتى موقع المستضيف تطلع نفس الرساله !

انت مغير dns الدومين من قريب ؟؟

هلا حبيبي WebMaster

هيه نعم انا مغير الدي ان اس من سبوعين تقريباً

للأنه موقع الاستضافه نقل لـ دومين ثاني وقالي بغير الدي ان اس على اسم الدومين الجديد والموقع كان تمام شغال الا امس طلعتلي هذي الرساله

لا اسبوعين كثير ماهو تغير جديد

انا كنت اتصور انه مثلاً امس نقلت لمستضيف جديد وامس غيرت الدي ان اس والمستضيف القديم حذف الموقع لكن لسة الدي ان اس على القديم وبعد كم ساعه تتصلح الامور

اما على كلامك فالله يستر !!

مافيه طريقة تتصل بهذا المستضيف طبعاً بريد انسى وموقعه انسى اذا كان نفس الرساله لكن وين وصلت له ماهو عضو في منتدى ؟؟

وياليت تقولنا من هو ؟ عربي هو صح ؟

هلا حبيبي WebMaster

هيه نعم هوه عربي

واعتقد انه عضو في منتدى سوالف سوفت

والله احاول اسجل عشان اسأل عنه بس موقفين التسجيل هناك

منتدى وموقفين التسجيل فيه غريبه نحن نبا اعضاء وهم مكتفين اعتقد هههههه

والاستضافه كانت ( احساس هوست ) ونقل لـ( الامارات العربيه للإستضافه ) وهذا موقعهم

http://www.ae4h.ae هذا الموقع الجديد

http://www.e7sashost.net وهذا القديم

الجديد والقديم كلهم عندي في السعودية مايشتغلون

Unresolved Host Name

والله هالمستضيفين العرب عجزنا معهم اذا كثرت دبرت ماعاد تدري هذا لاعب ولا حريص هذا هاوي ولامحترف

كان الله في العون

هلا حبيبي سالم

رحت عند مستضيف ثاني والله

شوه اسوي بعد ماشي حل غير هذا

وسألت عن صاحب الاستضافه القديمه قالولي هذا نصاب ونصب على ناس قبل

صدق والا جذب مادري والله هذا لي سمعته

ياخي هالاستضافات صارت مافيا والله !!

بس عساك ماخذ احتياطاتك والباك اب جديد ؟

هيه حبيبي ماخذ احتياطاتي الحمدالله

ومشكور على المرور عزيزي

كان الله في العون مثل ماتوقعت