إلى متى وحنا (كل سنة) نطالب بوسوم Meta Tags ، والله ملينا !

[محمد بن سعود]

السلام عليكم

بكل امانه ، لا اعلم إلى الآن إصرار [ مؤيد ] والقائمين على كليجا. بعدم إضافة وسوم ميتا تاقز.
Meta Description + Meta Keywords ، يعني سكربت يعتبر من أقوى سكربتات التحميل الموجودة. تنقصه هالميزه؟!

هل يرجع السبب لوجود هناك بما يسمى [ بلوجن ] ، طيب إذا الناس ماتبي البلوقن هذا وماتبي تعدل يدوي.
ليه ماتريحون الشعب وتضيفون الخيار هذا. اتوقع أبسط وأضعف مُبرمج ، بإستطاعته توفير هذي الميزه.

أقسم بالله العظيم ، اني كل مره اركب السكربت ، اروح اعدل يدوي. وصراحه مهي حاله
اتمنى ألقى وعود صادقه هالمره.

[مؤيد]

عزيزي بما انها ميزه . فـ مب الكل يبغى يركب المميزات ..
نحاول نخلي النسخه ااخف قدر ممكن . واللي يبغى يركب الااضافه يركبها واللي ما يبي الميزه بموقعه لا يركبها ..

حال كليجا حال المنتدى .. لو تقارن جميع المنتديات العربيه والاجنبيه انها تركب هاك الرد السريع وهاك شريط الاهداءات
والى يومك هاذا شركه الفيبولتين ما دمجتهم ..


بالتوفيق

[محمد بن سعود]

اخوي مؤيد اول شي شخبارك .. واهنيك على خدمتك للقسم صراحه انا من سنين زائر وماشاء الله عليك مثابر في القسم

نرجع للموضوع.
لاتقارن رد سريع وإهداءات، بالوسوم اللي اطالبها اللي هي مصدر اساسي يُعتمد عليه لشهرة المركز.
شف المتصدرين في نتائج البحث لأصحاب المراكز ، حاطين الوسوم هذي. بعضهم يدوي وبعضهم بلوجن.
وبعدين بصفحة تعريف النسخة الجديدة كاتبين : [ ستجد بعد استخدام 1.5 انك تستطيع تنفيذ المهام بسرعه وبساطة ]
دام النسخه تساعدني في الشي هذا. إضيفوا هالميزه بدلاً من عناء البلوجن والعناء اليدوي.

ودامك جبت سيرة الفيبولتين. ضايفه هالميزتين. هل تتوقع لو ازالوا الميزتين راح تصير النسخه اسرع !!
عندك سكربت انفنتي dimofinf ، بالسابق ماعنده الخاصيه. ولكن تم إضافتها.
يعني ما اتوقع ان إضافة أكواد الميتا تاقز ، راح تسبب عبء على الموقع !

انا يامؤيد مابي اتعبكم وانتم أصحاب القرار ، ولكن لو تجي تسوي إستفتاء .. اراهنك بأن الأغلبيه تبي هذي الميزه.
وبعدين انا يوم قلت ميزة قلتها لأن ماعندي مُفرده توضح هالشي. ميزة او خاصيه او اياً كانت. اهم شي انكم فاهمين وش اقصد.

والمعذره على الإزعاج.

[saanina]

يصير خير ان شالله
تاكد اننا ناخذ جميع الاقتراحات بشكل جدي ..

شكرا على اهتمامك

[محمد بن سعود]

لاهنت عمي .. والمعذره على الإزعاج
بس يشهد علي ربي ، ان كل هذا من حبي للسكربت.

والله يوفقكم يارب ويغنيكم.

[7awas.com]

هد أعصابك اخوي محمد .. على الأقل اضافة او بلوجن أفضل من التعديل اليدوي ..

لكن أنا معك

+ أؤيد اتاحة Meta Description + Meta Keywords تلقائيا مع الاصدارات الجديدة القادمة ..

و أنا متأكد ان الاخوان في الدعم الفني يأخذون الاقتراحات المفيدة بشكل جدي ولكن لابد ان نعذرهم فجهدهم الكبير الذي يقومون به ليس بالسهل .. أنا متفائل بأن القادم أجمل بإذن الله

[DNG]

Meta Description + Meta Keywords

+1

[sadiq6210]

في حال تمت اضافته أتمنى يكون هناك خيار لتعطيلها حيث أننا لا نرغب بتفعيل هذه الخاصية، بهالطريقة يتم ارضاء جميع الاطرف =)