صدقت اخوي وليد
من لايشكر الناس لايشكر الله
لازم اشكر مفيد.كوم وخاصة الاخ ac والله ماكنت اعرف شي عن اسرار محركات البحث وهي شي مهم لمواقعي
يعني ممكن تقولون هذا جديد على المواقع لا والله لكن للاسف السنتين الي راحو مطيح في منتدى معتبرينه افضل منتدى ويب ماستر عربي اتحفظ عن ذكر اسمه
لكن للاسف طلع ذاك المنتدى في صوب والمواقع صوب ثاني
طايحين لنا هناك اعلانات وفلسفة وعرض عضلات
ان احد يكلف نفسه ويلفت نظرنا المعمي عن محركات البحث مستحيل
طبعاً ماعندهم وقت الا لسحبنا هنا وهناك وازعاجنا باعلاناتهم وفلسفتهم وفرحانين باليكسا وقوائم المراسلات
والله اسف على الاطاله لكن الحق لازم ينقال والشكر ماهو عيب
فشكراً لكل من ساعدنا هنا ولكل من دلنا على الموقع والمنتدى
اما محركات البحث فاه والف اه على السنين الي فاتت قبل ماعرفها
توني احس ان عندي موقع

قبل كانت العناكب معششة على الاحصائيات
اكتشفت الان انه الاعلانات باي حجم وباي ميزانية والله صفر على الشمال مقارنة بمحركات البحث

والاحلى ان محركات البحث ماتكلف ولا قرش بس تحتاج لناس طيبة مثل هالمنتدى تفهمنا بعض الاسرار والامور الحساسة عند هالمحركات